Aldurshlutföll í rjúpnaafla haustið 2011

Abstract

Rjúpur úr veiði hafa verið aldursgreindar flest ár frá 1963. Frá veiðitíma 2011 voru aldursgreindir 2779 fuglar og hlutfall ungfugla í aflanum var 66% ± 2% (±95% öryggismörk). Þetta er þriðja lægsta hlutfall ungfugla sem mælst hefur frá upphafi. Marktækur munur var á aldurshlutföllum 2011 sundurgreint eftir landshlutum. Afkoma unga virðist hafa verið best á Vestur- og Norðausturlandi sumarið og haustið 2011, annars staðar mun lakari. Miðað við tengsl hlutfalls ungfugla í rjúpnaveiði við stofnbreytingar má gera ráð fyrir að sú fækkun rjúpna sem hófst 2010/2011 muni halda áfram. Þetta kemur ekki á óvart en fækkunarskeið rjúpunnar vara í 5 til 8 ár.