Íslenskt plöntutal : blómplöntur og byrkningar

Abstract

Í þessu plöntutali eru skráðar og númeraðar með meginmálsletri allar tegundir blómplantna og byrkn­inga sem taldar eru til hinnar villtu íslensku flóru í dag, samtals 489 tegundir. Feitletraðar eru allar þær tegundir sem eru gamlar í landinu, taldar hafa verið ílendar fyrir 1750 þegar fyrst var farið að skrá tegundirnar. Þær plöntur sem taldar eru aðfluttar og ílendar eftir 1750 eru með grönnu letri. Með smáu letri og ónúmeraðar eru allar tegundir sem vitað er til að hafi borist til landsins án þess að ílendast. Almargar þeirra hafa aðeins sést einu sinni, en síðan horfið aftur.

Nafngiftir eru einkum miðaðar við 7. útgáfu af norsku flórunni sem kennd er við J. Lid, eftir Reidar Elven. Einnig er tekið mið af þeim bindum Norð ur landaflórunnar, Flora Nordica, sem komin eru út og umfjöllun Reidars Elven sem birtist í Blyttia 2007. Fyrirhugað er að viðhalda þessum lista í framtíðinni á www.floraislands.is á þann veg að breytingar frá prentuðu útgáfunni verði litmerktar.