#

Skýrsla nefndar um atvinnu og samfélag á Norðurlandi vestra

Skoða venjulega færslu

dc.contributor Halldór Árnason 1953 is
dc.contributor Forsætisráðuneytið. Nefnd um atvinnu og samfélag á Norðurlandi vestra is
dc.date.accessioned 2013-12-09T13:54:18Z
dc.date.available 2013-12-09T13:54:18Z
dc.date.issued 2008-05
dc.identifier.uri http://hdl.handle.net/10802/4266
dc.description Prentað út af vef forsætisráðuneytisins is
dc.description Myndefni: línurit, töflur is
dc.description Inngangur:
Forsætisráðherra skipaði þann 4. janúar 2008 nefnd sem ætlað var að fjalla um leiðir til að styrkja atvinnulíf og samfélag á Norðurlandi vestra. Nefndin var skipuð að beiðni Samtaka sveitarfélaga á Norðurlandi vestra. Nefndinni var meðal annars ætlað að gera tillögur um mögulega styrkingu menntunar og rannsókna, um uppbyggingu iðnaðar og þjónustu og flutning starfa frá höfuðborgarsvæðinu til Norðurlands vestra.

Í nefndina voru skipuð Halldór Árnason, skrifstofustjóri í forsætisráðuneyti, sem jafnframt var formaður, Guðrún Þorleifsdóttir, lögfræðingur í iðnaðarráðuneyti, Arnór Guðmundsson, skrifstofustjóri í menntamálaráðuneyti, Adolf H. Berndsen, formaður Samtaka sveitarfélaga á Norðurlandi vestra, og Gréta Sjöfn Guðmundsdóttir, forseti sveitarstjórnar Skagafjarðar. Hanna Dóra Másdóttir, sérfræðingur í iðnaðarráðuneyti, starfaði með nefndinni.

Dagana 25. og 26. janúar 2008 fundaði nefndin með fulltrúum sveitarfélaga, stofnana og atvinnulífs á Gauksmýri, Blönduósi, Skagaströnd og Sauðárkróki. Á fundunum var lögð áhersla á mikilvægi frumkvæðis heimamanna við undirbúning og framkvæmd verkefna. Þá var lögð áhersla á að hugsanlegur stuðningur stjórnvalda væri háður því að verkefnin myndu, þegar fram líða stundir, efla og víkka út almenna atvinnustarfsemi í landshlutanum.

Í framhaldi af fundunum bárust nefndinni margvíslegar tillögur frá heimamönnum um verkefni sem voru misjafnlega langt komin í útfærslu og framkvæmd. Nefndin sendi tillögurnar til viðkomandi ráðuneyta og fór þess á leit að þau færu yfir tillögurnar og legðu mat á raunhæfi þeirra og möguleika ráðuneytanna til að fylgja þeim eftir. Jafnframt óskaði nefndin eftir að ráðuneytin könnuðu til hlítar möguleika á flutningi verkefna og starfa á þeirra vegum til byggðarlaga á Norðurlandi vestra.

Í marsmánuði átti nefndin fundi með fulltrúum 8 ráðuneyta í Reykjavík. Á þeim fundum kom fram álit ráðuneyta á mögulegum framgangi umræddra tillagna. Hins vegar komu nær engar tillögur frá ráðuneytum um flutning verkefna og starfa frá höfuðborgarsvæðinu.

Nefndin hefur farið vandlega yfir aðsendar tillögur og álit ráðuneyta á þeim. Niðurstöðu þeirrar umfjöllunar er að finna í þessari skýrslu. Auk tillagna um almennar umbætur á Norðurlandi vestra miða tillögur nefndarinnar að því að leggja til við stjórnvöld að efla starfsemi opinberra stofnana sem eru á svæðinu. Um er að ræða stofnanir m.a. á sviði menntunar, rannsókna og nýsköpunar sem í samvinnu við fyrirtækin á svæðinu geti með ráðgjöf og rannsóknum snúið við atvinnuþróuninni til aukinnar verðmætasköpunar og fjölgunar starfa á komandi árum.

Í fyrri kafla skýrslunnar er fjallað um þróun búsetu og atvinnulífs á Norðurlandi vestra á síðustu 10 árum. Í síðari kafla skýrslunnar er gerð grein fyrir tillögum nefndarinnar um aðgerðir ríkisins til að styrkja atvinnulíf á Norðurlandi vestra. Í viðauka er nánari lýsing á 11 sérgreindum tillögum um allt að 25 ný störf á Norðurlandi vestra á sviði rannsókna, ráðgjafar o.fl. og mat á kostnaði við að koma þeim í framkvæmd. Gróft áætlað er gert ráð fyrir því að þessi nýju störf kalli á viðbótarkostnað sem nemur um 200 m.kr. á ári þegar þær eru að fullu komnar til framkvæmda.

Nefndin telur að takist að ráða í þessi störf muni áhrifa þeirra gæta um allan fjórðunginn og geta leitt til fjölmargra afleiddra starfa á komandi árum ef vel tekst til.		 is
dc.format.extent 34 s. is
dc.language.iso is
dc.publisher Forsætisráðuneytið is
dc.relation.uri http://www.forsaetisraduneyti.is/media/Skyrslur/Nordvesturskyrsla_lok.pdf
dc.subject Byggðaþróun is
dc.subject Sveitarstjórnarmál is
dc.subject Norðurland vestra is
dc.title Skýrsla nefndar um atvinnu og samfélag á Norðurlandi vestra is
dc.type Skýrsla is
dc.identifier.gegnir 991007296679706886


Skrár

Skrá Stærð Skráartegund Skoða
Nordvesturskyrsla_lok.pdf 671.9Kb PDF Skoða/Opna

Þetta verk birtist í eftirfarandi flokki:

Skoða venjulega færslu

Leita


Fletta