Hrun- og skriðuhætta úr bökkum og brekkum á nokkrum þéttbýlisstöðum

Abstract

Fjallað eru um hrun- og skriðuhættu úr bröttum bökkum og brekkum gerðum úr lausum jarðlögum á nokkrum þéttbýlisstöðum. Þessir staðir eru Hofsós, Sauðárkrókur, Blönduós, Laugarbakki og Flúðir. Ekkert bendir til að stórar spildur af lausum jarðlögum í bökkum á þessum stöðum séu á hreyfingu eða hafi hreyfst og þannig komið af stað stórum skriðuföllum. Slík hætta er því ekki talin fyrir hendi á neinum af þessum stöðum. Þar með er ekki útilokað að úr sumum bökkum og brekkum þar gætu fallið skriðuspýjur eða lítil snjóflóð, enda eru til heimildir um það. Á Hofsósi og Blönduósi gæti rof og undangröftur sjávar komið af stað hruni úr jarðvegsþekjunni utan á bökkunum. Er það mun bagalegra á Blönduósi því þar standa íbúðarhús mjög nálægt bakkabrúninni. Grjótvörn í fjörunni undir bökkunum á þessum stöðum gæti komið í veg fyrir rof og dregið úr hrunhættu.