Náttúrufar og náttúruminjar umhverfis Vatnajökul : samantekt

Abstract

Skýrslan er samantekt úr þremur skýrslum sem Náttúrufræðistofnun Íslands hefur gefið út um náttúrufar umhverfis Vatnajökul. Tilgangur hennar er að varpa ljósi á náttúruminjar sem æskilegt væri að vernda í fyrirhuguðum Vatnajökulsþjóðgarði.

Umfjölluninni er skipt upp eftir fjórum fyrirhuguðum rekstrareiningum þjóðgarðsins: Svæði I: Norðursvæði: Hálendið norðan jökuls, vestan Jökulsár á Fjöllum (3.979 km2) Svæði II: Austursvæði: Hálendið norðan jökuls og norðaustan Jökulsár á Fjöllum (2.384 km2) Svæði III: Suðursvæði: Hálendið sunnan og suðaustan Vatnajökuls (3.879 km2) og Svæði IV: Vestursvæði: Hálendið vestan og suðvestan Vatnajökuls (3.191 km2).

Fjallað er um landslag, jarðfræði, loftslag, vatnafar, lífríki og verndarstöðu náttúruminja innan þessara eininga og mat lagt á verndargildi þeirra.

Niðurstaða skýrslunnar er sú að verndargildi svæða umhverfis Vatnajökul sé almennt hátt. Það á þó sérstaklega við um landslag og jarðfræðiminjar sem margar eru merkar á heimsvísu.