Gróður á vegstæði við Varmá og Köldukvísl í Mosfellsbæ

Abstract

Samkvæmt beiðni frá bæjarverkfræðingi Mosfellsbæjar gerði Náttúrufræðistofnun Íslands gróðurkort og kannaði útbreiðslu háplantna vegna fyrirhugaðrar veglínu tengibrautar milli Skeiðholts og Leirvogstungu. Sérstaklega var óskað eftir því að kannað yrði hvort fitjasef (Juncus gerardii), sem er friðuð háplöntutegund og á válista, yxi á fyrirhugðu framkvæmdasvæði. Starfsmenn Náttúrufræðistofnunar fóru um svæðið 3. og 4. október 2006.

Skráðar voru tegundir háplantna sem vaxa á fyrirhuguðu vegstæði og gróður kortlagður á vegstæðinu og í næsta nágrenni þess. Engar válistategundir fundust á fyrirhuguðu vegstæði og óveruleg skerðing mun verða á gróðurfélögum ef ítrustu varúðar verður gætt.