Töflureiknir notaður : þemahefti

Abstract

Markmið þemaheftisins Töflureiknir notaður er að nemendur læri að notfæra sér töflureikni við lausn stærðfræðilegra viðfangsefna, t.d. algebru, tölfræði, rúmfræði og líkur. Val á efnisþáttum tekur mið af markmiðum aðalnámskrár grunnskóla í stærðfræði. Þau atriði sem fjallað er um eru valin út frá þeim stærðfræðilegu viðfangsefnum sem fengist er við frekar en markmiðum aðalnámskrár í upplýsingatækni. Efnið er skrifað fyrir nemendur í 8.–10. bekk grunnskóla.

Námsefnið byggist á því að nemendur glími við viðfangsefnin án þess að fá nákvæma útlistun á lausnaraðferð gefna fyrirfram, enda er í flestum tilfellum hægt að leysa verkefnin á fleiri en einn veg. Það er mikilvægt að kennarar hafi þetta í huga þegar þeir vinna með nemendum sínum. Gera þarf ráð fyrir nokkrum stuðningi við nemendur þegar þeir vinna þessi verkefni, sérstaklega ef þeir eru ekki vanir vinnu með töflureikni.

Í þessum leiðbeiningum verður farið í hvern kafla heftisins og markmið hans skýrð. Að auki verða birt dæmi um lausnir einstakra verkefna. Allar formúlur og skipanir í þessu hefti miða við enska útgáfu Microsoft Excel. Aftast í þemaheftinu er ensk-íslenskur orðalisti til þess að auðvelda notkun heftisins með íslenskri útgáfu Microsoft Excel.