Netsetning mæligagna

Abstract

Ársfjórðungslega mælir Hafrannsóknastofnunin helstu eðlisþætti sjávar í hafinu umhverfis Ísland. Vegna þess að mælingarnar eru misdreifðar umhverfis landið er erfitt að teikna starfrænar myndir sem sýna dreifingu eðliþátta á mismunandi árstíðum. Þess vegna hefur haldist sú hefð að teikna dreifingu eðlisþátta í höndunum. Með þróun haf- og veðurfræðireiknilíkana eykst þörfin á fljótvirkari og samræmdum leiðum. Í verkefninu var hannað kerfi til þess að færa sjávarmælingar yfir í þrívítt net af brúunarpunktum og brúunargildum sem auðvelt að teikna upp í tölvu. Afrakstur verkefnisins er Netsetning, kerfi sem samanstendur af brúunarforritinu Oax, hjálparforritum og leiðbeiningum. Í skýrslunni eru raktar prófanir á brúunarforritinu Oax. Þá er hönnun og virkni hjálparforrita sem gerð voru sérstaklega fyrir þetta verkefni lýst. Netsetningarpakkann er hægt að nálgast á heimasíðu verkefnisins: www.hi.is/~saeunnh/netsetning.