Skriðuhætta við Hvamm í Vatnsdal

Abstract

Fjallað er um hættumat vegna skriðufalla við Hvamm íVatnsdal. Lýst er ummerkjum skriðna á aurkeilunni við Hvamm, skriðufallasögu svæðisins og hættu af þeim auk þess sem hættumatslínur vegna skriðufalla eru dregnar.

Hvammur stendur á aurkeilu sem hefur myndast við skriðuföll úr þremur giljum í Vatnsdalsfjalli. Úr öllum þessum giljum geta fallið skriður og þá helst í miklum rigningum. Varnargörðum sem hefur verið ýtt upp við farvegi neðan við gilin draga mjög úr skriðuhættu á neðanverðri keilunni. Auk þess halda þeir hugsanlegum skriðum innan farvega. Íbúðarhús og flest útihús að Hvammi eru neðan við hættumatslínur en það er einungis nyrst á aurkeilunni sem útihús er innan við hættulínu. Fyrirhugað byggingarsvæði er neðan við hættulínur.