#

Afnám á einu ári : Áætlun um afléttingu gjaldeyrishafta

Skoða fulla færslu

Titill: Afnám á einu ári : Áætlun um afléttingu gjaldeyrishaftaAfnám á einu ári : Áætlun um afléttingu gjaldeyrishafta
Höfundur: Erlendur Magnússon ; Finnur Oddsson 1970 ; Gylfi Magnússon ; Lúðvík Elíasson 1969 ; Orri Hauksson 1971 ; Páll Harðarson ; Tanya Zharov ; Yngvi Örn Kristinsson 1956
URI: http://hdl.handle.net/10802/3486
Útgefandi: Viðskiptaráð Íslands
Útgáfa: 12.2011
Efnisorð: Gjaldmiðlar; Gengismál; Efnahagsmál
Tungumál: Íslenska
Tengd vefsíðuslóð: http://www.vi.is/files/2011.12.14-Afnamsaaetlun_409288260.pdf
Tegund: Skýrsla
Athugasemdir: Höftum á fjármagnsflutninga hefur víða verði beitt sem neyðarviðbrögðum við gjaldeyriskreppu, yfirleitt með þeim rökum að þannig verði til skemmri tíma skapað svigrúm til endurskipulagningar atvinnu- og efnahagslífs og að fyrr gefist færi á uppbyggingu og hagvexti. Um leið er almennt viðurkennt að til lengri tíma draga gjaldeyrishöft úr skilvirkni, auka kostnað og valda efnahagslegri sóun.

Fyrr á þessu ári vann Viðskiptaráð Íslands að úttekt á áhrifum þeirra hafta sem nú eru á fjármagnsflutningum til og frá Íslandi, með sérstakri áherslu á kostnað sem til fellur hjá fyrirtækjum vegna umstangs af umgengni við höftin. Í þeirri vinnu kom fljótt í ljós að kostnaðurinn er töluverður og hefur farið vaxandi. Þetta er í samræmi við fyrri umfjöllun um áhrif gjaldeyrishaftanna á vettvangi atvinnulífssamtaka og fjölda annara aðila: Viðskiptaráðs, Samtaka iðnaðarins, NASDAQ OMX Iceland og fleiri. Gjaldeyrishöftin virðast að auki þeirrar náttúru gædd að hafa tilhneigingu til að viðhalda sér. Doði hefur færst yfir umræðu um höftin og skaðsemi þeirra og því lengur sem þau vara verður erfiðara að taka skref til afnáms hafta og axla um leið ábyrgð á þeirri áhættu sem því óneitanlega fylgir.

Undanfarna mánuði hafa allnokkrar tillögur verið reifaðar sem valkostir við opinberar áætlanir um afnám gjaldeyrishaftanna. Þessar tillögur hafa verið fjölbreyttar en eiga það þó sameiginlegt að benda á mikilvægi þess að afnámi haftanna verði flýtt eins og kostur er. Viðfangsefnið er hins vegar mjög flókið og erfitt að henda reiður á þeim fjölmörgu og mismunandi leiðum sem reifaðar hafa verið. Af þeim sökum hefur orðið minna úr efnislegri umræðu og rýni en ástæða er til, sérstaklega ef horft er til skaðsemi gjaldeyrishaftanna almennt og þess hve hægt gengur að afnema þau.

Til að stuðla að markvissari umræðu um afnám íslensku gjaldeyrishaftanna hafði Viðskiptaráð frumkvæði að því að kalla saman hóp sérfræðinga úr atvinnulífi og háskólum sem eiga það sameiginlegt að hafa látið sig höftin varða í ræðu og riti á undanförnum misserum. Hópurinn skilgreindi svo verkefni sitt sem það að hanna og leggja fram sameiginlega áætlun um afnám gjaldeyrishafta sem hefur það að markmiði að höft verði afnumin á um það bil einu ári, án þess að verulegur þrýstingur verði á gjaldeyrismarkað, en þannig að kostnaði verði haldið í lágmarki.

Í hópnum sitja eftirtaldir:
• Erlendur Magnússon, framkvæmdastjóri Total Capital Partners
• Finnur Oddsson, framkvæmdastjóri Viðskiptaráðs Íslands
• Gylfi Magnússon, dósent við viðskiptafræðideild HÍ
• Lúðvík Elíasson, hagfræðingur
• Orri Hauksson, framkvæmdastjóri Samtaka iðnaðarins
• Páll Harðarson, forstjóri NASDAQ OMX Iceland
• Tanya Zharov, framkvæmdastjóri lögfræðisviðs Auðar Capital
• Yngvi Örn Kristinsson, hagfræðingur

Greinargerðin sem hér fer á eftir geymir tillögu hópsins. Hún er hugsuð til stuðnings umræðu sem vonandi verður til þess að íslensk fyrirtæki og heimili búi sem fyrst aftur við frelsi í fjármagnsflutningum sem stuðlar að framþróun atvinnulífs, efnahagslegri uppbyggingu og bættum lífskjörum á Íslandi.

Viðskiptaráð Íslands og Samtök iðnaðarins standa sameiginlega straum af kostnaði við prentun þessarar greinargerðar og að kynningu á efni hennar með höfundum.


Skrár

Skrá Stærð Skráartegund Skoða
2011.12.14-Afnamsaaetlun_409288260.pdf 675.1Kb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta