#

- Drög - Skýrsla umboðsmanns Alþingis vegna heimsóknar í fangelsið Litla-Hrauni 3. maí 2013

Skoða fulla færslu

Titill: - Drög - Skýrsla umboðsmanns Alþingis vegna heimsóknar í fangelsið Litla-Hrauni 3. maí 2013- Drög - Skýrsla umboðsmanns Alþingis vegna heimsóknar í fangelsið Litla-Hrauni 3. maí 2013
URI: http://hdl.handle.net/10802/3478
Útgefandi: Umboðsmaður Alþingis
Útgáfa: 04.10.2013
Efnisorð: Stjórnsýsla; Fangelsi; Fangelsisvist; Geðsjúkdómar
Tungumál: Íslenska
Tengd vefsíðuslóð: http://www.umbodsmadur.is/Assets/Dr%C3%B6g%20a%C3%B0%20sk%C3%BDrslu%20-%20Litla%20Hraun.pdf
Tegund: Skýrsla
Athugasemdir: Umboðsmaður Alþingis hefur sent fangelsisyfirvöldum og velferðarráðuneytinu drög að skýrslu um heimsókn og athugun hans í fangelsinu Litla-Hrauni sem fór fram 3. maí 2013. Heimsóknin var þáttur í frumkvæðiseftirliti umboðsmanns og unnin af settum umboðsmanni Róbert R. Spanó.

Heimsóknin í fangelsið Litla-Hrauni var liður í athugun á því hvort aðstæður í fangelsinu, aðbúnaður fanga og verklag við ákvarðanatöku um réttarstöðu þeirra samrýmist ákvæðum stjórnarskrárinnar, Mannréttindasáttmála Evrópu, gildandi laga og reglugerða um fullnustu refsinga auk meginreglna stjórnsýsluréttar. Þá laut athugun umboðsmanns að hvort þar væri gætt vandaðra stjórnsýsluhátta, sbr. 1. mgr. 2. gr. laga nr. 85/1997, um umboðsmann Alþingis.

Í skýrsludrögum setts umboðsmanns eru dregin fram nokkur atriði sem hann telur að séu þess eðlis að til greina komi af hálfu umboðsmanns að beina síðar til stjórnvalda sérstökum tilmælum um úrbætur. Drög að skýrslunni eru því lögð fram til þess að stjórnvöldum gefist kostur á að bregðast við þessum atriðum áður en umboðsmaður tekur endanlega ákvörðun um hvort formlegum tilmælum verður beint til stjórnvalda. Umboðsmaður mun því að fengnum upplýsingum um viðbrögð stjórnvalda taka endanlega ákvörðun um hvort slík tilmæli verða sett fram. Fyrirkomulag þessarar athugunar umboðsmanns og birting á drögum að skýrslunni eru liður í því að taka upp nýtt verklag við frumkvæðis- og vettvangsathuganir umboðsmanns hjá stjórnvöldum.

Meðal þess sem settur umboðsmaður fjallar um í skýrsludrögunum eru heimsóknir til fanga, fjárhagsmálefni þeirra og heilbrigðisþjónusta í fangelsinu.

Þá telur settur umboðsmaður meðal annars að til greina komi að beina tilmælum til stjórnvalda um að gera viðhlítandi ráðstafanir til að koma geðheilbrigðisþjónustu í fangelsinu í það horf að ekki leiki vafi á því að þeir fangar sem þess þurfa njóti umönnunar sem þeir eiga rétt á samkvæmt stjórnarskrá og lögum og við aðstæður sem samrýmast ástandi þeirra og þörfum.


Skrár

Skrá Stærð Skráartegund Skoða
Drög að skýrslu - Litla Hraun.pdf 333.5Kb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta