The mill on the Floss

Abstract

Skáldsagan The Mill on the Floss eftir George Eliot kom fyrst út árið 1860. Sögusviðið er England á fyrri hluta 19. aldar. Hér segir frá Maggie Tulliver sem elst upp í Dorlcote Mill við ána Floss. Maggie lítur mjög upp til Tom, eldri bróður síns, og þráir samþykki foreldra sinna, en ástríðufullt lunderni hennar og skörp greind verða sífellt til þess að skapa árekstra milli Maggie og fjölskyldu hennar. Þegar Maggie verður eldri skapast togstreita vegna sambands hennar við þrjá ólíka menn: hinn þrjóska og stolta eldri bróður, náinn vin sem einnig er sonur helsta óvinar fjölskyldunnar, og ungan mann sem er í tygjum við frænku Maggie. George Eliot er höfundarnafn Mary Anne Evans, en hún var enskur skáldsagnahöfundur, skáld, blaðamaður, þýðandi og einn fremsti rithöfundur Viktoríutímans.