| dc.description.abstract |
Löng hefð er fyrir því að manneskjan tjái tilfinningar sínar með blómagjöfum. Blóm eru bundin lífsviðburðum mannsins frá tilhugalífinu til sorgarferlisins. Þetta veit hin 18 ára Victoria sem hefur flakkað milli fósturheimila og stofnanna allt sitt líf. Hún tjáir tilfinningar sínar einungis í gegnum táknmál blómanna. Ástríða Victoriu á blómum leiðir hana að ungum blómabónda sem kann líka táknmál blómanna og opnar augu Victoriu fyrir því sem lífið hefur upp á að bjóða.Vanessa Diffenbaugh (f.1978) er fædd og uppalin í Kaliforníu. Hún lærði skapandi skrif við Stanford háskóla í heimafylki sínu. Táknmál blómanna er þekktasta verk hennar, skáldsagan kom fyrst út á ensku árið 2011. Táknmál blómanna sat á metsölulista New York Times í 69 vikur og hefur verið þýdd á 42 tungumál, m.a. íslensku. Diffenbaugh er fósturforeldri og berst fyrir velferð barna í fósturkerfi bandaríkjanna. |
is |
