#

Byggðarlög í sókn og vörn : Norðurland eystra

Skoða fulla færslu

Titill: Byggðarlög í sókn og vörn : Norðurland eystraByggðarlög í sókn og vörn : Norðurland eystra
Höfundur: Halldór V. Kristjánsson 1946 ; Sigríður Kristín Þorgrímsdóttir 1956
URI: http://hdl.handle.net/10802/3254
Útgefandi: Byggðastofnun
Útgáfa: 08.2004
Efnisorð: Byggðaþróun; Atvinnulíf; Norðurland eystra
Tungumál: Íslenska
Tegund: Skýrsla
Athugasemdir: Hér er fjallað um níu þéttbýlisstaði í níu sveitarfélögum á Norðurlandi eystra. Sveitarfélögin eru Ólafsfjarðarbær, Dalvíkurbyggð, Hríseyjarhreppur, Grýtubakkahreppur, Skútustaðahreppur, Húsavíkurbær, Öxarfjarðarhreppur, Raufarhafnarhreppur og Þórshafnarhreppur. Þéttbýlisstaðirnir eru Ólafsfjörður, Dalvík, Hrísey, Grenivík, Reykjahlíð, Húsavík, Kópasker, Raufarhöfn og Þórshöfn. Því miður er Akureyrarkaupstaður ekki með í þess-ari greiningu þar sem bæjarstjórinn taldi Akureyri ekki eiga erindi í þessa könnun. Æskilegt hefði verið að Akureyrarbær væri í þessari greiningu þar sem honum hefur verið ætlað að þjóna nágrannabyggðum sérstaklega í skóla- og menningarmálum. Íbúaþróun á Akureyri hefur verið önnur en víðast hvar á Norðurlandi eystra.
Byggt er á viðtölum við sveitarstjóra þessara sveitarfélaga og niðurstöðum úr spurningakönnun sem þeir svöruðu. Birtar eru tölulegar upplýsingar um efnahags- og rekstrarstöðu sveitarfélaga miðað við fjölda íbúa, meðal tekju- og fjárhagsstöðu íbúa ásamt stöðu atvinnulífs, fjölda starfa, fiskvinnslu og afla á Norðurlandi eystra. Byggt er á viðtölum við bæjar- og sveitarstjóra þessara sveitarfélaga og niðurstöðum úr spurningakönnun sem þeir svöruðu. Viðmælendur voru eftirtaldir: Stefanía Traustadóttir bæjar-stjóri Ólafsfjarðarbæjar, Sigurður Valdimar Bragason sveitarstjóri Dalvíkurbyggðar, Þórður Kristleifsson ferðaatvinnumálafulltrúi Dalvíkurbyggðar, Ragnar Jörundsson sveitarstjóri Hríseyjarhrepps, Guðný Sverrisdóttir sveitarstjóri Grýtubakkahrepps, Sigbjörn Gunnarsson sveitarstjóri Skútustaðahrepps, Reinhard Reynisson bæjarstjóri Húsavíkurbæjar, Elvar Árni Lund sveitarstjóri Öxar-fjarðarhrepps, Guðný Hrund Karls-dóttir sveitarstjóri Raufarhafnarhrepps og Björn Ingimarsson sveitarstjóri Þórshafnarhrepps. Íbúum á Norðurlandi eystra hefur fjölgað frá árinu 1991. Þeir voru 26.496 árið 1991 og 26.889 árið 2003, eða 1,5% fleiri. Á sama tíma hefur íbúum á Íslandi fjölgað úr 259.581 í 290.490 eða um 11,9%. Þegar við skoðum sérstaklega fjölgun íbúa á Akureyri sjáum við þeim hefur fjölgað um 11,2% eða nálægt landsmeðaltali. Konur eru fleiri en karlar á Akureyri. Aldursdreifing íbúa árið 2003 á Norðurlandi eystra sýnir að yngri aldurshóparnir frá 0-24 ára eru nálægt landsmeðaltali. Aldurshóparnir frá 25-34 ára eru fámennari hlutfallslega, en þessir aldurshópar virðast frekar safnast saman á höfuðborgarsvæðinu en á landsbyggðinni. Aldursdreifing á Akureyri sýnir að þar eru yngstu aldurshóparnir mjög sterkir miðað við landsmeðaltal. Á Akureyrir eru karlar færri hlutfallslega í aldurshópunum 20-34 ára en landsmeðaltal.
Fjöldi starfa á Norðurlandi eystra er nær óbreyttur á árunum 1998 til 2003. Á sama tíma fjölgar störfum í heild á Íslandi um 7,0%. Störfum í frumvinnslugreinum á Norðurlandi eystra hefur fækkað um 9,0% frá árinu 1998 til ársloka 2003, miðað við 13,2% fækkun á landsvísu á sama tímabili. Fjölgun starfa í þjónustugreinum, þ.e. hótel- og veitingahúsarekstri, opinberri stjórnsýslu, fræðslustarfsemi og heilbrigðis- og félagsþjónustu vegur ekki upp á móti fækkun starfa í iðngreinum og fiskvinnslu. Birtar eru tölulegar upplýsingar um efnahags- og rekstrarstöðu sveitar-félaga miðað við fjölda íbúa, meðal tekju- og fjárhagsstöðu íbúa ásamt stöðu atvinnulífs, fjölda starfa, fiskvinnslu og afla á Vesturlandi. Þessar upplýsingar taka til landshlutans í heild en ekki til einstakra sveitarfélaga. Í SVÓT-greiningunni er hins vegar fjallað um einstaka þéttbýlisstaði og sveitarfélög. Niður-staða úr könnun sem gerð var á netinu á eingöngu við um það bæjar- eða sveitarfélag sem viðkomandi bæjar- eða sveitarstjóri starfar fyrir. Því eru tölulegu upplýsingarnar og greiningin ekki byggðar á sama grunni. Hafa ber einnig í huga að erfitt er að alhæfa um landshlutann í heild vegna mismunandi aðstæðna sveitarfélaga.
Í öllum landshlutum eru sveitarfélög þar sem atvinnu- og samfélagsþættir standa ágætlega, eins og fram kemur í könnun sem gerð var á netinu samfara þessari greiningu. Húsavíkurbær kemur best út af bæjar- og sveitarfélögum á Norðurlandi eystra, einnig þótt tekið sé mið af upplýsingum úr öllum landshlutum í atvinnu- og samfélagsþáttum. Reikna má með að Akureyrarbær hefði einnig komið vel út í þessari könnun, sérstaklega í menntunar og menningarþáttum. Margir starfsmenn Byggðastofnunar hafa komið að yfirlestri þessarar skýrslu sem ber að þakka, einnig hafa Tryggvi Finnsson framkvæmdastjóri Atvinnuþróunarfélags Þingeyinga og Magnús Þór Ásgeirsson framkvæmda-stjóri Atvinnuþróunarfélags Eyjafjarðar veitt góðar ábendingar.


Skrár

Skrá Stærð Skráartegund Skoða
Nordurland_e.pdf 288.7Kb PDF Skoða/Opna

Þetta verk birtist í eftirfarandi flokki:

Skoða fulla færslu

Leita


Fletta