Írlandsferð 7.-14. nóvember 1999

Abstract

Dagana 7.-14. nóvember árið 1999 ferðaðist hópur atvinnuráðgjafa ásamt tveimur starfsmönnum þróunarsviðs Byggðastofnunar um Írland. Markmið ferðarinnar var að kynnast atvinnu- og byggðaþróunarkerfi Íra. Ferðin hófst í Dublin en síðan lá leiðin til vesturstrandar Írlands. Eins og víðast hvar í þróuðum ríkjum er á Írlandi nokkur togstreita milli dreifbýlis og þéttbýlis. Fólk sækir í þéttbýlið þar sem bjóðast oft betri tækifæri til menntunar og starfa. Í dag býr um þriðjungur íbúa Írlands í Dyflinni og næsta nágrenni hennar. Ákveðið var að skoða sérstaklega vesturströndina sem er eitt minnst þróaða svæðið á Írlandi. Talið var líklegt að þar væru menn að glíma við svipuð vandamál hvað atvinnu- og byggðaþróun varðar og heima á Íslandi og því væri áhugavert að kynnast því hvernig tekist er á við vandann þar.