Byggðarlög í sókn og vörn : Svæðisbundin greining á styrk, veikleika, ógnunum og tækifærum byggðarlaga á Íslandi : 2. Landshlutakjarnar

Abstract

Landshlutakjarnar almennt: STYRKUR: Bæirnir eru miðstöðvar stjórnsýslu, nægilega stór byggðarlög, samgöngumiðstöðvar, þar er virk samkeppni í verslun, gott framboð á sérvörum, atvinnuráðgjöf, virkur fasteignamarkaður, sæmilegt fasteignaverð, góð staða í öldrunarþjónustu, heilsugæslu, leikskólamálum og skólamálum, öflugt íþrótta- og tómstundastarf, menntaskólar eða fjölbrautaskólar, háskóli (Akureyri), símenntunarmiðstöðvar, sérskólar, einsetnir grunnskólar, greiður aðgangur að ósnortinni náttúru. VEIKLEIKAR: Aukin verkefni en litlir tekjustofnar, víða lágt menntunarstig og lágar tekjur, lítill heimamarkaður, nær enginn byggingariðnaður, léleg nýting fjárfestingar í ferðaþjónustu, skortur á starfsfólki og fjármagnsskortur í ferðaþjónustu, almenningssamgöngur illa tengdar, lítil veðhæfni eigna, víða skortur á leiguhúsnæði, skortur á heimavistarrými, vantar réttindakennara, lítil fjölbreytni afþreyingar, víða lítið hugað að fagurfræðilegum atriðum, víða slæmur frágangur lóða, frárennsli víða áfátt, sorphirða ekki alltaf í lagi. ÓGNANIR: Brottflutningur fólks, slæm fjárhagsstaða sveitarfélaganna, fækkun starfa, víðast lítil áhersla á rannsóknir og vöruþróun, versnandi afkoma fyrirtækja í sjávarútvegi, samdráttur í innanlandsflugi, atgervisflótti, fækkun heimilislækna, hæg þróun fjarkennslu, reiknilíkan menntamálaráðuneytis, starfsgreinar ekki kenndar á landsbyggðinni, brottfall nemenda, menning og afþreying ekki ofarlega á verkefnalista sveitarfélaga, einhliða flæði menningar og slæmar starfsaðstæður atvinnufólks, lítill áhugi á fegrun bæja og umhverfismálum. TÆKIFÆRI: Efling mannauðs, frumkvæði og framtak heimamanna, aukin fjölbreytni atvinnulífs, fjárfesting í samgöngum, menntun og fjarskiptum, stóriðja, netvæðing, nýsköpun, fjárfesting í mannauði, þróunarsetur á landsbyggðinni, samvinna og samhæfing í ferðaþjónustu, sögu- og menningartengd ferðaþjónusta, fjölgun í afleiddum störfum tengdum sjávarútvegi, bættar samgöngur, jöfnun fjarskiptakostnaðar, markvissar aðgerðir í forvörnum, samræming fjölskyldu- og atvinnulífs, aukið háskólanám á landsbyggðinni, aukin tengsl menntunar og atvinnulífs, fjarnám, aukin samvinna menningarstofnana, staðbundnir fjölmiðlar, þjóðmenningarstofnanir, átak varðandi fegrun umhverfis, átak í sorpmálum, aðgerðir í fráveitumálum, Staðardagskrá 21.