|
Útdráttur:
|
Í framhaldi af samantekt á fjölda og dreifingu sauðfjár á Íslandi sem kom út í júlí síðastliðnum og breytingum á starfsumhverfi landbúnaðarins1 þótti rétt að kortleggja nautgriparækt á Íslandi á sama hátt. Um er að ræða sambærilega vinnu og í samantekt um fjölda og dreifingu sauðfjár og byggir samantektin á upplýsingum frá Landmælingum Íslands, Matvælastofnun og Þjóðskrá og er þeim þakkað fyrir sitt framlag. Gögn um fjölda nautgripa miðast við haustskýrslur bænda í lok árs 2015. Fjöldi nautgripa er samtala fjölda mjólkurkúa, holdakúa til undaneldis, kelfdra kvíga, geldneyta eldri en eins árs, kvígukálfa yngri en eins árs og nautkálfa yngri en eins árs. Fjöldi búa með nautgripi samkvæmt þessum gögnum voru 853 og þar af eru 846 bú á lögbýlum samkvæmt lögbýlaskrá Þjóðskrár. Staðsetningarhnit býla eru fengin frá Þjóðskrá en sjö staðsetningarhnit þurfti að áætla út frá heimilisfangi og gögnum um vegakerfi sem kemur frá Landmælingum Íslands. |
