|
Útdráttur:
|
Fyrir mótun byggðaáætlunar og sóknaráætlanir landshluta hefur Byggðastofnun frá 2012 leitast við að setja fram lýsingar á ástandi og þróun í mikilvægum þáttum byggðamála í sérstökum stöðugreiningum. Stefnt var að því að stöðugreiningar miðuðust annað hvert ár við stöðuna innan landshlutanna m.t.t. sóknaráætlana og annað hvert ár við landið allt fyrir stefnumótandi byggðaáætlun og aðra opinbera stefnumótunarvinnu. Í stöðugreiningunum hafa því verið valdir nokkrir mikilvægir þættir, kvarðar, sem unnt er að uppfæra reglulega, settir fram á myndrænan hátt til að auðvelda notkun. Stöðugreingarnar eru fyrst og fremst gagnasafn til notkunar á netinu með mörgum tilvísunum í heimildir og viðameiri umfjöllun en er í stöðugreiningunum sjálfum. Nýjustu gögn og upplýsingar úr hinum ýmsu samfélagsgeirum koma ekki fram á sama tíma og þau ríflega 200 gröf; kort, töflur, súlurit og skífurit, sem er að finna í stöðugreiningum lýsa ekki ástandi á sama degi. Með hliðsjón af vaxandi fjölda kannana á þáttum sem varða byggðaþróun og stóraukinnar upplýsingagjafar verða einstakir kaflar stöðugreiningarinnar uppfærðir eftir því sem nýjar upplýsingar koma fram og færi gefst til að vinna þær. Þannig fylgdi Stöðugreining í september 2016 drögum að þingsályktunartillögu sem Byggðastofnun skilaði atvinnuvega- og nýsköpunarráðuneytinu í ársbyrjun 2017 og nokkrir þættir þeirrar stöðugreiningar hafa nú verið uppfærðir. Þeir varða búferlaflutninga og íbúafjölda (í köflum 1.3 og 1.4), atvinnutekjur (í kafla 3.4), gagnaflutninga (í kafla 4.4), birgða- og sölustöðvar eldsneytis og rafhleðslustöðvar (í kafla 4.5) og ferðamál (í kafla 6.3). |
