Atvinnutekjur 2008-2017 : eftir atvinnugreinum og landshlutum

Abstract

Samkvæmt gildandi Byggðaáætlun og samkvæmt lögum um Byggðastofnun á stofnunin að fylgjast með byggðaþróun og helstu áhrifaþáttum hennar með úrvinnslu opinberra gagna og eigin gagnasöfnun. Í auknum mæli hefur stofnunin unnið að því að vinna svæðisbundna tölfræði, þ.e. að greina þá tölfræði sem er til niður á landshluta eða smærri einingar eftir því sem hægt er miðað við fyrirliggjandi gögn. Einn af þeim þáttum sem mikilvægt er að kortleggja betur eru atvinnutekjur eftir atvinnugreinum og svæðum. Það er, að greina hvaða atvinnugreinar standa undir tekjum íbúa eftir landsvæðum. Sömuleiðis að greina breytingar innan svæða á ákveðnu tímabili. Eldri skýrslur, Atvinnutekjur 2008-2015 var gefin út af Byggðastofnun í árslok 2016 og Atvinnutekjur 2008-20164 sem kom út fyrr á þessu ári má finna á heimasíðu stofnunarinnar.