Vinnu- og skólasóknarsvæði og almenningssamgöngur

Abstract

Samgöngu- og sveitarstjórnarráðuneytið vinnur að aukinni samhæfingu áætlana ímálaflokkum sínum. Hluti af samhæfingunni er að allar áætlanir vinni að sömu framtíðarsýn og vill ráðuneytið skoða hvernig þær geta unnið saman að því að styrkja vinnu- og skólasóknarsvæði og almenningssamgöngur til að skila sterkara samfélagi og auknum atvinnutækifærum. Óskaði ráðuneytið eftir að Byggðastofnun horfi til þeirra áherslna þegar stofnunin vinnur og þróar áfram greiningu á stöðu og þróun vinnu- og skólasóknarsvæða og almenningssamgangna og leggi eftir atvikum fram tillögur um áherslur eða aðgerðir til bóta þar sem það á við.