Langtímatap kolefnis í framræstu ræktarlandi

Abstract

Hér er greint frá niðurstöðum rannsóknar á langtíma afleiðingum framræslu á jarðvegi í kolefnisríku votlendi. Beitt var nýstárlegri aðferð sem mælir og áætlar magn- og eðlisbreytingar sem verða í lífrænum mýrum fyrir ofan ákveðið gjóskuleiðarlag eftir framræslu, þurrkun og langtíma ræktun. Aðferðin hefur verið kölluð gjóskulagaaðferðin og hefur ekki verið prófuð áður hérlendis í framræstu ræktarlandi. Þrátt fyrir að ekki tókst að klára áætlaðar sýnatökur vegna þröngs tímaramma skilar verkefnið markverðum niðurstöðum og dýrmætri reynslu sem hægt er að byggja á fyrir framtíðarrannsóknir þar sem beita má gjóskulagaaðferðinni í svipuðum tilgangi og hér var gert.