Barnið í garðinum

Abstract

Dag einn ákveður Sævar Þór Jónsson að nú sé nóg komið. Fortíðin heldur honum í heljargreipum og hann hefur í áraraðir hrærst í heimi óreglu og lyga. Hann heldur því á fund SÁÁ og leitar sér hjálpar. Í kjölfarið hefst mikil sjálfsvinna þar sem Sævar þarf að horfast í augu við þau mörgu og stóru áföll sem hann varð fyrir í barnæsku. Barnið í garðinum er átakanleg og áhrifamikil saga manns sem tekst að snúa erfiðum uppvexti upp í þroska og kærleika. Sævar Þór er einn fárra íslenskra karlmanna sem hefur orðið fyrir kynferðisofbeldi og opnað sig um það og hryllilegar afleiðingar þess. Þetta er mögnuð frásögn af þjáningu, þrautseigju, fyrirgefningu og von. Sævar Þór og eiginmaður hans Lárus Sigurður hafa staðið saman gegnum súrt og sætt. Þeir eru báðir lögfræðimenntaðir, reka eigin lögmannsstofu og eiga saman lítinn dreng. Barnið í garðinum er fyrsta bók þeirra.