Geislaálag starfsfólks sem vinnur við jónandi geislun á Íslandi : Yfirlit fyrir árið 2005

Abstract

Kynnt er árleg samantekt Geislavarna ríkisins á niðurstöðum um geislaálag starfsfólks sem vann við jónandi geislun á árinu 2005. Samtals báru 524 einstaklingar geislamælifilmur á síðasta ári og starfa þeir hjá 85 fyrirtækjum og stofnunum. Um 90% þeirra vinna við störf tengd heilbrigðisþjónustunni og 65% starfa við læknisfræðilega yndgreiningu. Af þessum 524 einstaklingum mældist geislun hjá 103 eða 19,7 %. Meðalgeislaálag var 0,14 mSv ef miðað er við alla sem báru geislamælifilmu, en ef eingöngu er miðað við þá starfsmenn sem geislun mældist hjá er meðalgeislaálagið 0,72 mSv. Hæðsta geislaálagið var 5,8 mSv hjá starfsmanni í almennri röntgengreiningu. Eingöngu 17 einstaklingar voru með geislaálag á bilinu 1 – 5 mSv og 24 voru á bilinu 0,5 – 1 mSv. Þannig voru 96,6% allra með geislaálag undir 1 mSv, sem er 1/20 af hámarks leyfilegu árlegu geislaálagi samkvæmt reglugerð 627/003 um hámörk geislunar starfsmanna og almennings vegna starfsemi þar sem notuð er jónandi geislun. Hópgeislaálag var 0,074 manSv, sem er lægra en á síðasta ári (0,098 manSv) og lægra en meðaltal síðustu 10 ára (0,108 manSv).