Flóð á Skeiðum

Abstract

Flóðmörk á Skeiðum frá í desember 2006 voru kortlögð á landi og á loftmyndum. Í flóðinu sem varð vegna leysinga en ekki íss, myndaðist um 50 km2 stöðuvatn á Skeiðum, sem náði saman við Hestvatn. Land á Skeiðum er mjög flatt og stækkar stöðuvatnið mikið við hvern sentímetra sem hækkar í uppistöðunni. Vatn hefur staðið uppi víðar en flóðför gefa til kynna. Sum eldri flóð voru meiri en þau sem nýafstaðin eru. Ætla má að flóð af svipaðri stærð eða meiri verði allt að fimm sinnum á öld. Vel eru hugsanlegar aðstæður, sem gætu stækkað áhrifasvæði svipaðs flóðs að sunnanverðu.