Landslag listfræðslu í þróunarverkefnum grunnskóla á 21. öld

Abstract

Ágrip Markmið rannsóknar er að athuga framþróun í listfræðslu í grunnskólum hérlendis á 21. öldinni. Það er gert með því að greina nýjungar í listfræðslu í listgreinatengdum þróunarverkefnum sem hafa hlotið styrk úr Þróunarsjóði grunnskóla og Sprotasjóði á 21. öldinni. Tilgangur er einnig að veita upplýsingar um stöðu listfræðslu í grunnskólum í ljósi aukinnar nýsköpunarorðræðu 21. aldarinnar og athuga hver framvinda nýskipan listgreina í námskrá árið 1999 hafi orðið á 21. öldinni. Unnið var upp úr opinberum gögnum Menntamálaráðuneytisins, Rannsóknarstofnunar KHÍ og Sprotasjóðs, og þau þróunarverkefni rannsökuð nánar sem voru um listgreinar, samþættingu listgreina eða starf listgreinakennara og/eða áhrif listgreina á skólastarf almennt. Af 245 þróunarskýrslum frá árunum 2001 – 2012 voru 34 skýrslur um listtengd málefni frá 27 skólum landsins.