Brynjólfur biskup Sveinsson

Abstract

Sagan Brynjólfur biskup Sveinsson kom fyrst út árið 1882 og vakti þá verulega athygli. Höfundur sögunnar, Torfhildur Hólm var stórmerk kona sem ruddi brautina fyrir kynsystur sínar, því ekki einasta var hún fyrst íslenskra kvenna til að gefa út skáldsögu, heldur var hún fyrsta konan sem hafði atvinnu af ritstörfum almennt. Sagan af Brynjólfi var fyrsta bókin hennar, en í kjölfarið kom svo sagan Elding, sem gerist á landnámsöldinni, og sögurnar af biskupunum Jóni Vídalín og Jóni Arasyni. Hlutu sögur hennar góðar viðtökur meðal almennings. Var Torfhildi í mun að fylgja sögulegum staðreyndum eins vel og hún gat og segja í leiðinni skemmtilega sögu. Torfhildur Hólm fæddist árið 1845 og lést árið 1918.