|
Athugasemdir:
|
Að beiðni Vegagerðarinnar var gerð úttekt á gróðurfari og fuglalífi á mögulegum vegarstæðum á Norðausturvegi, svokallaðri millidalaleið, sem liggur frá Oddsgili í Vesturárdal yfir Hofsháls að þjóðvegi við Teigará í Hofsárdal. Hér er gerð grein fyrir dýralífi, einkum fuglalífi og gróðurfari á og við vegarstæðin. Gróðurþekja og helstu gróðurlendi eru færð á kort og tegundasamsetning gróðurlenda á þeim svæðum sem vegarstæðin liggja um er lýst. Gerð er grein fyrir tegundafjölbreytni og þéttleika fugla og getið um hreindýr. Gerð er grein fyrir hvort sjaldgæf eða sérstæð gróðurlendi, plöntutegundir eða fuglategundir hafa fundist á svæðinu og sérstaklega ef válistategundir hafa fundist þar. Þessi skýrsla er sjálfstætt mat á fuglalífi á Hofshálsi aðallega byggð á vettvangsathugun 2006.
Í umfjöllun um einstakar fuglategundir er það tekið fram hvort tilkoma vegar yfir Hofsháls kemur til með að hafa einhver áhrif á viðkomandi tegund. |
