Gróðurvöktun á Vesturöræfum með notkungervitunglamynda : Grunnrannsókn

Abstract

Markmið verkefnisins er að vakta mögulegar breytingar sem kunna að verða á gróðurfari á Vesturöræfum í kjölfar myndunar Hálslóns. Til þess eru notaðar tvær aðferðir sem gefa gott heildaryfirlit yfir gróður svæðisins. Það eru útreikningar á gróðurstuðli út frá gervitunglamynd sem gefur yfirlit yfir þekju og grósku á öllu svæðinu og rannsóknareitir sem veita upplýsingar um tegundasamsetningu og þekju gróðurs ásamt því að sannreyna gróðurstuðul. Gróðurstuðull var reiknaður út frá gervitunglamynd sem tekin var af Kárahnjúkasvæðinu 9. september 2002. Gildin voru flokkuð í 6 flokka og sett fram á kort. Tuttugu og átta reitir voru settir út á Vesturöræfum í júlí 2007 og var hlutfallsleg þekja tegunda var metin og hæð gróðurs og jarðvegsdýpt mæld. Víða var gróður samfelldur á svæðinu en einnig voru melar, minna gróin svæði og moldarflög. Niðurstöður sýna að gróðurþekja metin í reitum og gróðurstuðulsgildi úr gervitunglamynd pössuðu vel saman. Áætlað er að taka gervitunglamyndir af svæðinu sumarið 2008 og eftir það á nokkurra ára fresti. Gróðurstuðulsgildi verða borin saman á milli mynda (tímabila) og ef gróðurstuðull sýnir að breytingar séu að verða á gróðri er hægt að fara í rannsóknareitina og kanna nákvæmlega hvers eðlis þær eru m.t.t. hlutfallslegrar þekju tegunda og tegundasamsetningar.