Hreindýr og raflínur. Áhrif tveggja 400 kV háspennulína frá stöðvarhúsi Fljótsdalsvirkjunar að fyrirhuguðu álveri í Reyðarfirði á hreindýr

Abstract

Fyrirhugað er að leggja tvær háspennulínur frá stöðvarhúsi Fljótsdalsvirkjunar að álveri í Reyðarfirði. Um tvo möguleika er að ræða. Eini munurinn á þeim er í Fljótsdal, leið A fylgir botni dalsins en leið B fylgir byggðarlínu þvert yfir dalinn og síðan frá heiðarbrún inn að stöðvarhúsi. Línurnar liggja samsíða alla leiðina nema yfir Hallormsstaðaháls og Skriðdalsfjöll en þar fer önnur um Hallsteinsdal en hin Þórudal. Hér verður skoðað hvaða áhrif þessar línur gætu haft á hreindýr. Stuðst er við rannsóknir á viðfangsefninu frá Noregi og Alaska og talningarskýrslum frá Veiðistjóraembættinu árin 1991-1999.