Austursvæði Vatnajökulsþjóðgarðs: Tillaga að verndaráætlun

Abstract

Í þessari skýrslu er gerð tillaga að verndaráætlun á austursvæði Vatnajökulsþjóðgarðs sem nær frá Jökulsá á Fjöllum austur að Lónsöræfum. Svæðinu er skipt upp í frá vestri til austurs í; Kverkfjallarana, Krepputungu, Brúaröræfi (-dali) og Snæfellsöræfi sem ná yfir Vesturöræfi og Eyjabakka. Gerðar eru tillögur um markmið og aðgerðir til verndunar, nýtingar og uppbyggingar á flestum sviðum er snerta starfsemi þjóðrarðs. Gerð er grein fyrir lagalegum ramma þjóðgarðsins, verndarviðmiðum og stjórnsýslu. Mat er lagt á verndargildi náttúru einstakra svæða og gerð grein fyrir helstu menningarminjum og verndargildi þeirra. Fjallað er um svæði sem þarfnast sérstakrar verndar, víðerni, svæði sem þarfnast aðgerða og gerðar tillögur um markmið og leiðir til verndunar og nýtingar þessara svæða. Fjallað er um vegakerfi, göngu- og reiðleiðir og gerðar tillögur um hvaða leiðum eigi að viðhalda og í hvað ástandi þær þurfa að vera. Gerðar eru tillögur um þjónustu og uppbyggingarsvæði og hvaða aðstaða og þjónusta skuli vera fyrir hendi á hverju svæði. Fjallað er um mikilvægi fræðslu, hvar eigi veita fræðslu og hvernig. Fjallað er um búfjárbeit, veiðar og aðrar nytjar í þjóðgarðslandinu og gerðar tillögur um nýtingu og stjórnun. Fjallað er um ferðamennsku í þjóðgarði og uppbyggingu atvinulífs í tengslum við hana. Fjallað er um mikilvægi frekari rannsókna og bent á mörg svið þar sem upplýsingar eru ófullnægjandi til að mat á stöðu og tillögur um verndun geti talist byggja á nægilega traustum grunni. Fjallað er um mikilvægi þess að þjóðgarðurinn rækti samstarf við innlenda og erlenda fagaðila og við samfélögin í kringum sig.