| dc.description.abstract |
Vatntsdæla saga er ein af yngri Íslendingasögunum. Hún býr yfir miklum töfrum og hefur að geyma ótalmargt sem einkennir góða sögu. Þetta er sagan um fjölskyldu Ingimundar gamla; greint er frá fjórum ættliðum sem tengjast Hofi í Vatndsdal og sagt frá fólki á bæjum þar í dalnum og nálægum byggðum. En fyrst er getið um ættmenn Ingimundar í Noregi og á Gautlandi. Þetta var göfugt fólk; móðir Ingimundar var jarlsdóttir af Gautlandi. Ingimundur nemur land í Vatnsdal, reisir þar hof og sest að á Hofi. Sagan er um það hvernig Ingimundur og afkomendur hans halda völdum og styrkja sig í sessi, og sjá til þess að fólkið í byggðinni fái að lifa í friði fyrir galdramönnum og þrjótum, þetta er ættarsaga fjögurra ættliða í nýju landi; hún hefst í heiðni og endar í kristni. Það myndast spenna milli Hofverja sjálfra en þeir bera gæfu til að leysa úr henni enda var það þeim sjálfum og byggðinni fyrir bestu; og inn í þetta fléttast ástir, afbrýðisemi og leynifundir. |
is |
