Morgunn lífsins

Abstract

Nafn Kristmanns Guðmundssonar var „á hvers manns vörum“ í Noregi kringum 1930 þar sem fyrstu skáldsögur hans birtust. Þær voru þýddar á meira en þrjátíu tungumál á 4. áratug síðustu aldar og víða gefnar út aftur og aftur. Á Íslandi voru sögur Kristmanns einnig mikið lesnar en sjálfur mætti hann þar miklum andbyr. Frásagnargleði og innsæi Kristmanns í mannlegan vanmátt og breyskleika hrífur lesandann með sér inn í straum örlaga og ásta – en hatrið, „hin þyngsta byrði lífsins“, bíður álengdar glottandi. (Heimild: Bókatíðindi)