| dc.description.abstract |
Hér er a ferðinni "söguleg skáldsaga" um glettur lífsins í óráðnu umhverfi íslenskra aðstæðna. Sagan Glettur – úr lífsins sögu segir frá ungum dreng, sem elst upp hjá ömmu sinni í sjávarþorpi gærdagsins. Lesendur fá tækifæri til að kynnast atvikum úr ævi “þorparans” við þó kunnar íslenskar aðstæður. Þeim gefst á sama tíma kostur á að kynnast sígildri afstöðu þeirra eldri til lífsins. Velferð ungs fólks veltur ekki síst á hvernig þeim tekst að skynja raunveruleikann á hverjum tíma, nýta sér reynslu og miðlun forfeðra og –mæðra, greina á milli þess sem skiptir máli, móta afstöðu og nýta hana til framtíðar – því sjálfu og öðrum til framdráttar. Efni bókarinnar er fyrir alla þá sem eru eða hafa einhvern tímann verið ungir og hafa þurft að sigla í gegnum öldurót lífsins. Þeir hinir sömu vita að mikilvægt er að gæta hófsemi í meðbyr en sýna ósérhlífni þegar takast þarf á við mótlæti. Því betur og því fyrr sem ungu fólki tekst að draga lærdóm af ágjöf æskuáranna því mun betur býr það sig undir framtíðina. Það á líka við um börn, sem nú alast upp í þéttbýli - við önnur og mun ólíkari skilyrði en segir frá í sögunni. Rétt er að hafa í huga að handritið er ekki ítarlega yfirfarið m.t.t. prentvilla né samhengis. Taka þarf því viljan fyrir verkið... Ef vel tekst til mun verða framhald á "þroskasögunni". |
is |
