| dc.description.abstract |
Kórey er vísindaskáldsaga sem hefst á þessari öld, árið 2014 og nær fram til ársins 3093. Fylgst er með systkinum í Mexíkó sem ákveða að freista gæfunnar handann landamæranna í norðri. Ferðalagið fer öðruvísi en ætlað var og endar á því að bróðirinn, Chac hafnar á eyju þar sem fara fram leynilegar hátæknirannsóknir. Nokkur ungmenni, búsett á ýmsum stöðum í heiminum eru gerð að tilraunadýrum í tengslum við þessar rannsóknir. Þannig kemur aðalpersónan, Kórey til sögunnar, en hún á heima í herstöð Norðurbandalagsins í Hvalfirði. Í ljós kemur að í unga fólkinu eru rafskaut sem geta leitt þau til dauða. Chac og Ívan félagi hans freista þess að koma ungmennunum til hjálpar en það leiðir til óvæntrar atburðarrásar. Kóreyjar bíða vofeifleg örlög og leiðir Ívans liggja til smástirnisins Prómeþeus. Meira en þúsund árum eftirfyrsta fund Kóreyjar og Ívans á jörðinni hittast þau á ný, án þess þó að Kórey geri sér grein fyrir því í fyrstu. Að lokum, eða árið 3093, berst leikurinn aftur til jarðarinnar þar sem öðru vísi er umhorfs en var á 21. öldinni. |
is |
