Hita- og segulmælingar umhverfis jarðhitasvæðið á Steinsstöðum í Skagafirði

Abstract

Lýst er framkvæmd og niðurstöðum segulmælinga umhverfis jarðhitasvæðið í landi Steinsstaða í Skagafirði. Jafnframt var mælt hitastig í jarðvegi á svæðinu. Verkið var unnið samkvæmt beiðni Hitaveitu Sauðárkróks og var tilgangur segulmælinganna að afla upplýsinga um uppstreymi jarðhitans á svæðinu, þ.e. tengsl hans við hugsanleg brot og höggun í berggrunninum. Hitamælingunum er ætlað að finna austurjaðarinn á yfirborðsjarðhita. Niðurstöðum hita- og segulmælinganna er síðan ætlað að auðvelda val á borstað fyrir vinnsluholu. Segulmælingarnar sýna að allnokkur brot eða berggangar eru í berggrunninum. Líklegast er að eitt þeirra stýri að mestu leyti hitauppstreymi á svæðinu. Skýrslunni fylgja fjögur kort sem sýna mæliniðurstöður og túlkun gagnanna.