GPS-mælingar á Vestfjörðum vegna tengingar þríhyrninganeta við landsnet með viðmiðun ÍSN93

Abstract

Greint er frá undirbúningi, framkvæmd og úrvinnslu GPS-mælinga í 46 mælistöðvum á Vestfjörðum, aðallega í þríhyrninganetum Orkustofnunar og netum Vegagerðarinnar. Að auki var mælt í 12 grunnstöðvum og hjápunktum (boltar í klöppum) við þær. Síðar á að endurreikna þríhyrninganetin og kort, sem styðjast við þau, með viðmiðun ÍSN93. Mælingarnar fóru fram 3/8-13/8 1999 með átta GPS-landmælingatækjum, þremur frá Vegagerðinni, tveimur frá Landsvirkjun og þremur frá Landmælingum Íslands. Mælingamenn, aðstoðarmenn og bílar komu frá öllum samstarfsaðilum. Verkið er þriðji hluti samstarfsverkefnis sem áætlað er að taki fimm ár.