Skjálfandafljót : rennslislíkan

Abstract

Vatnasvið Skjálfandafljóts og Jökulsár á Fjöllum liggja saman í Ódáðahrauni og eru þar engin glögg vatnaskil á yfirborði. Líkan af rennsli Skjálfandafljóts var því upphaflega gert á árunum 1992-93 sem hluti af rennslislíkani fyrir Jökulsá á Fjöllum. Fyrir endurskoðun líkansins voru öll rennslisgögn yfirfarin of afrennslinu dreift þannig að þau féllu að mælingum við vatnshæðarmæla sem hafa verið reknir í fljótinu um áratuga skeið, við Aldeyjarfoss (nr. 238) og Goðafoss (nr. 50) auk mælis í Svartá (nr. 116). Eftir það voru líkönin aðlöguð átta safn- og veitusvæðum vegna forathugunar á virkjunum í fljótinu. Rennslislíkönin spanna árin 1950-1994, sem er staðlað tímabil vegna mats á orkugetu vatnsaflsvirkjana. Verkið er unnið fyrir Orkustofnun vegna Rammaáætlunar um nýtingu vatnsafls og jarðvarma.