Hellisheiði, hola HE-5 : 1 áfangi: borun fyrir 13 3/8" öryggisfóðringu í 303 m dýpi

Abstract

Fjallað er um borun og rannsóknir í 1. áfanga borholu HE-5 á Hellisheiði og þeim gögnun sem safnað var í þessum áfanga. Holan sem er boruð með jarðbornum Jötni er í Sleggjubeinsskarði sunnan undir Skarðsmýrarfjalli. Í þessum áfanga var borað niður á 303 m dýpi með 444 mm krónu (17 1/2") og holan fóðruð með 13 3/8" öryggisfóðringu. Borun hófst á 7. verkdegi 11. maí og áfanganum lauk 19. maí á 15. verkdegi. Í öðrum áfanga verðu holan sveigð uþb 50° til norðausturs og byggður upp um 35° halli. Lokadýpi er áætlað 2000 m. Að venju var safnað sýnum af borsvarfi og jarðlög og ummyndun greind eftir þeim samhliða borun. Jafnframt voru gerðar hefðbundnar borholumælingar, s.s. á upphitun, holuvídd, jarðlögum og steypugæðum. Bergið er einkum bólstraberg, hraunlög og móbergstúff. Aðeins ein vatnsæð sem eitthvað kveður að kom fram. Borverkið er unnið af Jarðborunum hf. en rannsóknir annast Rannsóknasvið Orkustofnunar.