Útdráttur:
|
Gerð er grein fyrir eftirliti með efnasamsetningu vatns úr vinnsluholum á jarðhitasvæðinu á Seltjarnarnesi, og gefið yfirlit um vatnsvinnslu hitaveitunnar og vatnsborðsmælingar í vinnsluholum á tímabilinu des. 2000 til des. 2001. Vatnsborð er jafnframt mælt reglulega í eftirlitsholum SN-01, SN-02 og SN-03. Sýni til heildarefnagreininga voru tekin einu sinni á tímabilinu úr holum SN-04, SN-06 og SN-12. Selta virðist hafa hækkað sl. tvö ár í vatni úr vinnsluhoum, einkum SN-06 og SN-12. Hækkunin er ekki mjög ör og miklar skammtímasveiflur eru í seltu vatnsins, þ.e. hún hækkar með aukinni vinnslu en lækkar ef vinnsla minnkar. Yfirmettun kalks í vinnsluvatni reiknast nú lítil sem engin í SN-04 og Sn-12, en nokkurí SN-06. Vatnsborð í SN-12 var hærra árið 2001 en árin á undan, en dæling var aðeins 5% minni en a fyrra ári. Að öðru leyti var meðalvinnsla, hiti og vatnsborð svipað. Í ljós kom að niðurrennsli er úr efri æðum í SN-04 sem kælir holuna þegar ekki er dælt úr henni. |