Mælingaeftirlit 2001 á Nesjavöllum, Kolviðarhóli og Ölkelduhálsi

Abstract

Gerð er grein fyrir mælingum til eftirlits á hita og þrýstingi í borholum Orkuveitu Reykjavíkur á Nesjavöllum, Kolviðarhóli og Ölkelduhálsi árið 2001. Skýrslan er framhald af ýtarlegri eftirlitsskýrslu sem út kom 2001 og náði yfir árin 1997-2000. Mælingarnar nú voru gerðar með svipuðum hætti og áður, en á Nesjavöllum voru einungis mældar holur NJ-15 og NJ-18, þar sem aðrar holur voru ekki aðgengilegar. NJ-holurnar voru mældar í júní en KhG-1 og ÖJ-1 í október. Í heild hafa engar verulegar breytingar orðið í hita og þrýstingi þeirra fjögurra holna sem mældar voru 2001. Hiti hefur hækkað í efri hluta NJ-15 og 18 frá því fyrir nokkrum árum en þó lítið á allra síðustu árum. Um 4-6 bar þrýstiniðurdráttur hefur orðið í NJ-mæliholunum frá upphafi en lækkunin hefur verið innan skekkjumarka síðustu árin. Vatnsborð hefur lækkað í þeim eins og eðlilegt er á vinnslusvæði sem nemur -5 m á ári. Mjög litlar hita-og þrýstingsbreytingar hafa orðið í KhG-1 og ÖJ-1 á síðustu árum.