Mælingar á aurburði og rennsli í Hólmsá við Framgil og Tungufljóti við Snæbýli, árið 2002

Abstract

Árið 2002 voru áætlaðar fjórar ferðir inn að Hólmsá við Framgil og Tungufljóti við Snæbýli fyrir RARIK og Landsvirkjun þar sem átti að rennslismæla og safna skriðaurs- og svifaurssýnum af nýjum kláfi við Hólmsá og taka svifaurssýni í Tungufljóti. Niðurstöður svifaursmælinga sýna að í Hólmsá jókst styrkjur svifaurs fertugfalt með þreföldun rennslis (frá 46 til 1823 mg/l) en engin greinileg fylgni var á milli styrks svifaurs og rennslis í Tungufljóti. Kornastærðardreifing svifaurssýnanna var hins vegar breytileg milli sýna frá báðum stöðum. Í Hólmsá jókst skriðaursframburður mikið við aukið rennsli, eða frá 42 g/s í lok ágúst og í 6035 g/s í rigningarflóði 5. Yfirleitt barst mestur skriðaur fram í 30 og 35 m frá hægri bakka og var stærstur hluti efnisins grófur sandur og fín möl. Þessar frumniðurstöður gefa ágæta mynd af þeim breytileika sem er í aurburði ánna en enn vantar fleiri sýni við breytilegt rennsli áður en hægt er að reikna framburð aurs með vissu.