Örvunaraðgerðir í holu MN-8 í Munaðarnesi

Abstract

Hola MN-8 í Munaðarnesi var boruð i 900 m dýpi og kom i a.m.k. 90°C heitt jarðhitakerfi. Besta æð holunnar eftir borun var smáæð á 440 m dýpi og skilaði holan um 4,5 l/s í loftdælingu með vatnsborð á 195 m dýpi. Borun holunnar lauk 11. febrúar 2003 og frá 17. febrúar fram til 3. mars stóðu yfir ýmsar örvunaraðgerðir í holunni ásamt viðeigandi prófunum. Allar örvunaraðgerðir sem gerðar voru skiluðu árangri. Í blástursprófi sem gert var þann 3. mars gaf holan um 18 l/s í loftdælingu með vatnsborð á 165 m dýpi. Sjálfrennsli eftir borun var um 0,5 l/s en er 2,3 l/s eftir örvunaraðgerðir. Hiti vatnsins sem rennur úr holunni er orðinn 80°C. Holan hefur mikið iðustreymistap í annars ágætlega leku bergi og ætti hún að standa undir u.þ.b. 10 l/s vinnslu af rúmlega 80°C heitu vatni. Hola 8 virðist boruð rétt til hliðar við vatnsleiðandi heitavatnssprungu og má taka það sem vísbendingu um að bora megi fleiri og aflmeiri holur á svæðinu. Nauðsynlegt er að dæluprófa holuna, efnagreina vatnið úr henni og hitamæla hana í botn. Ef til þess kæmi að aftur yrði borað þarf jafrnframt að svarfgreina og jarðlagagreina holuna.