Hitaveita Skagafjarðar : eftirlit með jarðhitavinnslu árin 2001-2002

Abstract

Fjallað er um eftirlit með jarðhitavinnslu Hitaveitu Skagafjarðar á þremur jarðhitasvæðum árin 2001 og 2002. Orkustofnun sér um töku vatnssýna einu sinni á ári og samantekt gagna um vinnslu og viðbrögð jarðhitakerfanna. Við Áshildarholtsvatn nýtir hitaveitan sjálfrennandi vatn úr fjórum holum og er gerð grein fyrir vinnslu, vatnshita, holuþrýstingi og efnainnihaldi vatns þar. Í Varmahlíð eru nýttar tvær holur og á Steinsstöðum er tekið vatn úr Steinsstaðalaug, en á þessum stöðum er einungis fylgst með efnainnhaldi vatnsins. Meðalvinnslan við Áshildarholtsvatn var rúmlega 68 l/s þessi tvö ár, en heildarorkuvinnslan 99 GWh. Síðustu fjögur ár hefur vinnslan verið í sögulegu lágmarki og þrýstingur í jarðhitakerfinu hefur farið hækkandi allt frá árinu 1984. Hvorki hefur orðið marktæk breyting á hita né efnasamsetningu vatns úr vinnsluholum við Áshildarholtsvatn. Engin merki eru um breytingar á efnainnihaldi vatns úr holum 2 og 3 í Varmahlíð né úr lauginni á Steinsstöðum.