Forðafræðistuðlar : athugun á reiknuðum cementation factor út frá viðnámsmælingum

Abstract

Í skýrslunni er leitast við að meta notagildi jöfnu Archie´s, sem lýsir sambandi rafviðnáms og grops í bergi, til að afla ákveðinna upplýsinga um bergeiginleika, þ.e. hvort greina megi milli sprungulektar og venjulegs grops með því að setja mæligildi úr borholumælingum inn í þessa jöfnu. Notuð voru mæligögn úr holu LL-03 við Nefsholt í Holtum. Athugun á því hvernig viðnám breytist með gropi bergs í þessari holu sýnir að dreifing mælinganna er mjög mikil og því er erfitt að meta stuðulinn m í jöfnunni, svokallaðan cementation factor. Viðnámsgildi virðast einnig kerfisbundið of lág og af þeim sökum fást einnig of lág gildi fyrir m-stuðulinn. Rakin er úrvinnsla gagnanna og nefnd nokkur atriði sem skýrt gætu niðurstöðurnar.