Hitaveita Suðurnesja - Vatnsveita Suðurnesja : grunnvatnsmælingar vatnsárið 2002-2003

Abstract

Í skýrslunni er gerð grein fyrir mælingum Vatnamælinga Orkustofnunar á grunnvatnshæð í kaldavatnsholum á Suðurnesjum vatnsárið 2002/2003 vegna eftirlits með vatnstöku Hitaveitu Suðurnesja og Vatnsveitu Suðurnesja. Mælt er í sex borholum fyrir HS og fjórum fyrir VS. Þar til í janúar 1997 voru síritandi A.Ott-mælar í borholum HS, annaðist Hitaveitan gæslu þeirra og sendi VM gögn mánaðarlega, en þá voru þrýstinemar og stafræn skráningartæki sett í staðinn. Vatnsveitan hefur frá upphafi notað slíkan búnað. Skrár úr þrýstinemum eru kvarðaðar og settar í gagnabanka Vatnamælinga. Gerðar eru skrár með vatnshæð að miðnætti hvers dags og síðan eru mælingarnar leiðréttar vegna landsigs sem mælst hefur umhverfis Svartsengi. Í skýrslunni eru birt línurit sem sýna daglega vatnshæð að miðnætti í borholunum á vatnsárinu í m.y.s. ásamt skarvegnum meðaldagsgildaferli.