Mælingar á aurburði og rennsli í Hólmsá við Framgil og Tungufljóti við Snæbýli árið 2003

Abstract

Árið 2003 voru farnar fjórar ferðir að Hólmsá við Framgil og Tungufljóti við Borgarfell/Snæbýli en í þeim var mælt rennsli og safnað sýnum af svifaur og skriðaur. Þrjár ferðanna voru farnar í hefðbundum vor- og sumaraðstæðum en ein þeirra í rigningarflóði í nóvember. Mikið flökt er í rennslislykli við Framgil vegna sandburðar en nýr rennslislykill við nýjan mæli við Hólmsárfoss virðist vera heldur betri. Í Hólmsá jókst svifaursstyrkur um 60-falt (úr 136 í 8811 mg/l) við tæplega sexföldun í rennsli, en eins og árið 2002 sást lítil fylgni milli svifaursstyrks og rennslis í Tungufljóti. Nokkur breytileiki var á kornastærðardreifingu svifaurs í Hólmsá þó að hlutfall leirs sé ávallt lægst. Stærstur hluti sýnanna úr Tungufljóti er méla. Framburður skriðaurs var yfirleitt mestur á 30 og 35 m en þar var straumhraði mestur. Meðalkornastærð skriðaurs er grófur sandur, en heildarframburður hans jókst úr 0,1 kr/s við 26,9 m3/s í 15,5 kg/s við 157 m3/s.