Niðurstöður aurburðarmælinga við Sóleyjarhöfða í Þjórsá árið 2004

Abstract

Í skýrslunni er fjallað um niðurstöður ljósgleypnimælinga og mælinga á svif- og skriðaurssýnum sem tekin voru hjá Sóleyjarhöfða við Þjórsá sumarið 2004. Fimm svifaurssýnapör voru tekin, annars vegar svokölluð S1 sýni sem tekin voru þvert yfir farveginn og hins vegar S2 sýni sem tekin voru við ljósgleypnimælinn. Stærstur hluti S1 sýnanna var méla (0,002-0,02 mm) og grófmór (0,02-0,06 mm) en í S2 sýnum var méla og leir (<0,002 mm) algengustu kornastærðirnar. Heildarstyrkur og styrkur einstakra kornastærða var mun hærri í S1 sýnum en S2 sýnum, sem tekin voru nálægt bakka þar sem straumur er mun minni, en í báðum sýnategundum eykst styrkur flestra flokka með rennsli. Heildarframburður skriðaurs var frá 16,8 til 29,8 kg/s og eins og árið 2003 virðist hann fekar vera tengdur framboði aurs en rennsli. Hlutfall skriðaurs af heildaraurframburði var frá 9 til 28%.