Eldsneytisspá 2005-2030 : endurreikningur á spá frá 2001 út frá nýjum gögnum og breyttum forsendum

Abstract

Í skýrslunni er fjallað um eldsneytisnotkun fram til ársins 2030. Hún er unnin á vegum Orkuspárnefndar og er endurreikningur á spá frá 2001 út frá nýjum gögnum og breyttum forsendum. Notkunin er greind í innlenda notkun og millilandanotkun. Spáð er fyrir um olíunotkun, kolanotkun og gasnotkun á tímabilinu. Innlend notkun var 602 þúsund tonn árið 2004 og verður 633 þúsund tonn árið 2030 skv. spánni. Millilandanotkun var 306 þúsund tonn árið 2004 og verður 479 þúsund tonn árið 2030. Hærra eldsneytisverð hefur til lengri tíma litið þau áhrif að notkunin verður minni en á móti kemur meiri bifreiðaeign, aukin notkun stóriðju og meiri notkun fiskiskipa en ráð var fyrir gert. Endurreiknaða spáin er borin saman við eldri spár og kemur þar fram að spáin frá árinu 2001 hefur staðist mjög vel.