Jarðhitalíkur í grennd við Akranes og Borgarnes

Abstract

Skýrsla þessi fjallar um jarðfræðilegar aðstæður, jarðhitalíkur og æskilegar aðgerðir vegna átaks í jarðhitarannsóknum á afmörkuðum svæðum sunnan Skarðsheiðar og í Borgarfirði. Ekki hafa verið gerðar nýjar rannsóknir vegna skýrslunnar en þess í stað byggt á eldri jarðhitaathugunum Orkustofnunar. Þau svæði sem skoðuð verða eru umhverfi Akrafjalls, Leirársveit, umhverfi Borgarness, Efrihreppur og Kleppjárnsreykir. Í skýrslunni eru efnistök þau að fyrst er gerð grein fyrir almennri jarðfræði svæðanna og þeim jarðhitarannsóknum sem þar hafa verið gerðar, bæði yfirborðsrannsóknum, jarðeðlisfræðilegum mælingum og borunum. Í síðasta kafla eru settar fram tillögur um næstu aðgerðir í jarðhitarannsóknum.