Hitaveita Rangæinga : jarðhitaleit og virkjun nýs vinnslusvæðis í Kaldárholti

Abstract

Þrátt fyrir mikla fyrirhyggju og ráðdeildarsemi í rekstri Hitaveitu Rangæinga var svo komið á árinu 1998 að veitunni var nauðugur einn kostur að afla viðbótarorku tafarlaust. Leitin beindist i fyrstu einkum að nágrenni Laugalands og Kaldakinn austan við Laugaland. Sjónum var síðan beint að Kaldárholtssvæðinu þar sem voru boraðar 27 leitarholur uns vinnsluholan KH-36 var endanlega boruð 1999. Nýting Kaldárholtssvæðisins hófst þann 21. janúar 2000 og hefur gjörbreytt til hins betra öllum forsendum fyrir rekstri Hitaveitu Rangæinga. Vatnið er talið að flestu leyti ágætt til vinnslu, en ekki drykkjarhæft vegna hás flúorstyrks og ekki er talin hætta á að það valdi tæringu né útfellingum eitt sér né við blöndun við Laugalandsvatn. 30 l/s dæling úr aðalvinnsuholunni KH-36 veldur lítilli áraun á svæðið og árið 2001 fór vatnsborð í holu KH-36 lægst í 25 m dýpi þegar vinnslan var mest, en hæst fór það upp að yfirborði.